Tunay kang biyaya, O mahal na Ulan,
Na hulog sa amin ng Pusong Maykapal;
Tubig kang pambuhay sa mga halaman
At pamatid-uhaw sa lupa na tigang;
Pag malakas ka't masinsin ang tulo,
Agad naaakit mga batang puso;
Kahit na malamig ay nararahuyong
Sa mga patak mo sila ay maligo.
Kapag sa kalsada ikaw ay nagbaha,
Naglulunoy kami sa saya at tuwa;
Kapag malalim ka, kami'y nagbabangka
Na para bang kami'y tatawid sa sapa.
O mahal na Ulan! Sadya kang biyaya
Na dulot sa amin ng Poong Bathala;
Kapag sa dagdig, ikaw ay namala,
Itong buhay namin ay kaawawa.
Comments
Post a Comment