ANG MABILOG NA SI BEN

Si Ben ay malusog

Katawa'y mabilog

Pagka't kumakain

Ng gulay at itlog

Si Ben ay Masaya,

Pisngi’y mapupula,

Pagka’t naliligo,

Sa tuwing umaga.

Ang kaniyang baro’y

Palaging malinis,

Makintab ang buhok,

Balat ay makinis.

Umiinom siya

Ng sariwang gatas,

Saka kumakain

Ng maraming prutas.

Ilang basong tubig

Ang iniinom niya

Kaya’t ang katawa’y

Masiglang-masigla.