Sa hardin ng Inang baya’y bulaklak sa pinagyaman
Ang magandang sampaguita sa loob ng halamanan
Nagsasabog ng pabangong dala-dala ng amihan
Na malayang maglalaro sa laot ng kaparangan.
Sa buhok ay palamuti ng marilag na dalaga
Pagka’t tala at bituin na maningning ang kapara
Isang raynang sinasamba’t perlas manding sinisinta.
Pagka’t k’wintas ng pag-ibig, iyang gandang may halina.
Kung ang bawa’t paraluman sa lupa kong sinilangan
Ihardin ang “sampaguita” na may angking kabanguhan;
Dalaga ngang Pilipina’t may dakilang kasaysayan,
At tunay na kayumangging lahi’t anak nitong bayan.
Comments
Post a Comment